Славој Жижек се сомнева дека новата влада ќе ги запре протестите во Словенија

Од:

 Новата Влада на Аленка Братушек нема да успее да ги запре протестите против домашната политичка елита, кои се повторно најавени за крајот на следната недела, оцени угледниот словенечки филозоф и општествен теоретирач, Славој Жижек.

Тој за љубљанско „Дело“ изјави дека поголем потенцијал за потребните општествени и политички промени гледа во уличните протести во словенечките градови изминатите месеци, отколку во составувањето нова влада, која би ја предводела Братушек, откако на конзервативната влада на Јанез Јанша и беше изгласана недоверба.

Жижек уличните протести против етаблираните политички класи во Словенија ги гледа како одраз на сличните движења во светот, кои настанаа поради општествените антагонизми предизвикани од глобалниот финансиски капитализам.

Жижек, беше еден од духовните ментори на движењето „Окупирајте го Волстрит“ во Њујорк во 2011 година. Тој смета дека условите кои на малите земји им ги поставуваат меѓународните финансиски установи за излегување од должничката криза се „диктат“, што предизвикува отпор поради неисполнувањето на очекувањата на луѓето.

Тој се залага за конституирање на нова левица, која на тоа би знаела да одговори и да ги поддржи барањата на учесниците во протестите за новиот демократски модел со повеќе непосредно влијание врз донесувањето на одлуките.

Би можело да ве интересира

Словенија протера руски дипломат, Русија најави одговор

Горан Наумовски

Се предаде поранешниот полицаец од Брежице кој пукаше кон полицијата

Во Словенија: Пензиониран полицаец се заклучи во куќа и се заканува со оружје

Горан Наумовски

Онколошки скандал во Љубљана: Опериран здрав човек, отстранет неговиот желудник

А1он

Семејство и двајца водичи се спасени од пештера во Словенија, беа „заробени“ три дена

Горан Наумовски

Спасувачките служби објавија фотографии од пештерата: Познати нови детали за спасувањето

А1он