Сите настрадани во автобуската несреќа во Хрватска се полски државјани, соопшти полското МВР

Од:

Сите загинати во несреќата на автобусот со полски регистарски таблички кај Брезнички Хум во Хрватска се полски државјани, потврди денеска полската агенција ПАП, повикувајќи се на полското Министерство за надворешни работи.

dobivaj vesti na viber

-Во овој момент можеме да го потврдиме тоа, изјави портпаролот на полското Министерство за надворешни работи, додавајќи дека „автобусот има варшавски регистарски таблички“.

Дванаесет лица загинаа, а повеќе од 40 се повредени во сообраќајна несреќа што се случи утринава, околу 5 часот и 40 минути, на автопатот А4, кај Брезнички Хум во правец кон Загреб, кога автобус со полски национални таблички превезувал патници на аџилак во Меѓугорје.

Полскиот премиер Матеуш Моравјецки по трагичната несреќа во Хрватска ги испрати министерот за здравство Адам Војчех Ниеџиелски и заменик министерот за надворешни работи Марчин Пжидач, а со нив патуваат и медицински лица и психолози, пренесува ПАП.

Хрватскиот премиер Андреј Пленковиќ и министерот за надворешни работи дипломатијата Гордан Грлиќ Радман им изразија сочувство на полските колеги.

Пленковиќ денеска разговараше со полскиот колега Моравјецки во врска со сообраќајната несреќа кај Брезнички Хум и во името на хрватската Влада изрази сочувство до семејствата на жртвите.

Шефот на дипломатијата, пак, му изрази сочувство на полскиот шеф на дипломатијата Збигњев Рау. Грлиќ Радман „изрази надеж за брзо закрепнување на повредените“ и нагласи дека „надлежните служби ја даваат сета потребна помош“.

„Хрватскиот народ се солидаризира со Полска и нејзините граѓани“, напиша Грлиќ Радман на Твитер.

Извор: МИА

Би можело да ве интересира

Случај „Беса транс“: Причините за несреќата се знаат, сега Бугарија бара роднините да кажат зошто загинатите патувале со автобусот

Горан Наумовски

Бугарската главна обвинителка бара од македонските колеги уште распити на преживеани и роднини за автобуската несреќа

Горан Наумовски

По несреќата во Бугарија, полицијата го казни сопственикот и корисникот на автобусот

Првите проблеми во истрагата за полскиот автобус: Тахографот е уништен, брзината не можеше да се прочита

Горан Наумовски

Истрагата утврди: Возачот изгубил контрола над автобусот од Полска

Црн епилог: Четворица загинати и осумина повредени во сообраќајката во Бугарија

Горан Наумовски