Шмит: Сега само ја следам состојбата во БиХ, потоа ќе преземам чекори

Од:

Високиот претставник во БиХ, Кристијан Шмит, изјави дека актуелната криза во оваа земја, предизвикана од одлуката на неговиот претходник Валентин Инцко да воведе закон со кој се забранува негирање на геноцид, може да се реши само со заедничка работа и разговори.

-Мислам дека треба да работиме заедно и затоа сум тука. Сега само набљудувам и потоа ќе почнам со некои работи, рече Шмит во интервју за телевизијата BN од Бјелина.

На прашањето дали има сигнал од претставниците на властите на Република Српска да разговараат со него, тој одговори потврдно.

-Нема да ви кажам кој ме контактирал. Ми се чини дека во оваа земја се што треба да биде доверливо некако допира до јавноста, нагласи Шмит.

Официјалните претставници на РС, особено српскиот член на претседателството на БиХ, Милорад Додик, не го признаваат Шмит за нов висок претставник, бидејќи неговото назначување не е потврдено од Советот за безбедност на ОН.

Шмит во интервјуто натаму посочува дека тој е висок претставник во БиХ, кој го контролира спроведувањето на Дејтонскиот договор и дека таканаречените „Бонски овластувања“ се „алатката на високиот претставник во БиХ што му стои на располагање“.

-Сакам да направиме нешто заедно за сите луѓе во БиХ и им препорачувам на сите да учествуваат во тоа, а оние што блокираат значи се блокираат самите себе, рече Шмит.

Би можело да ве интересира

Во БиХ просечната плата во септември била 14 евра

Ана Ололовска

(ВИДЕО) Брутална тепачка на навивачи во Мостар: Фрлале факли, камења и се што нашле покрај патот

Ана Ололовска

Тајмс: Западот подготвува санкции за лидерите на босанските Срби за да се избегне војна

Ана Ололовска

ВИДЕО: Новинарот не сакаше да го признае геноцидот на Сребреница, па Комшиќ го прекина интервјуто

А1он

Ескобар: Во БиХ нема да има војна

А1он

БиХ: По смената на обвинителката Тадиќ за нејзин наследник именуван обвинител од Република Српска

А1он