На социјалните мрежи, хрватската пејачка Северина денеска објави дека тестот што го направила за коронавирус ѝ е позитивен.
Во објавата на „Инстаграм“, таа напиша дека не чувствува никакви симптоми. Нејзиниот син, исто така бил тестиран, но неговиот тест е негативен.
„Веднаш утрово, по контактот што го имав со епидемиологот, ги презедов сите мерки, го известив и таткото на детето и со него се договорив синот, самоизолацијата да ја помине со него. Заради заедничка заштита на приватноста и избегнување на стигматизирање на детето, го замолив таткото за дискреција. Сепак, 20 минути откако таткото го презеде детето, во српските медиуми се појавија вести дека сум заразена, поради тоа што сум се забавувала во Далмација со детето“, изјави пеачката.
Северина соопшти дека најверојатно се заразила од Ковид-19 преку контакт со блиска личност, по враќањето во Загреб.
Таа, исто така апелираше до медиумите да се воздржат од објавување невистинити, непроверени и фабрикувани информации.