Се вжештува атмосферата меѓу Грција и Турција, Мицотакис побара итен самит на ЕУ

Од:

Кабинетот на грчкиот премиер Киријакос Мицотакис денес побара итен самит на земјите-членки на ЕУ.

Барањето беше иницирано откако турскиот брод „Оруч Рејс“, наменет за истражување на гас и нафта навлезе во источниот дел од грчкиот континентален гребен.

Во оваа област се наоѓаат бродови на грчката воена морнарица кои на секои 15 минути испраќаат порака дека бродот се наоѓа на грчка територија.

„Оруч рејс“ го придружуваат бродови на турската воена морнарица, а Турција смета дека бродот се наоѓа во нејзиниот континентален гребен.

Шефот на грчката дипломатија имал телефонски разговор со неговиот германски колега Хајко Мас, а како што напиша Дендиас на „Твитер“, во фокусот биле „турските провокативни активности во Источниот Медитеран“.

Министерството за надворешни работи на Грција, порача дека „Грција нема да прифати никаква уцена, дека ќе го брани нејзиниот суверенитет и нејзините суверени права“ и ја повика Турција „веднаш да ги запре нелегалните активности кои го поткопуваат мирот и безбедноста во целиот регион“.

Би можело да ве интересира

Грција ќе ги апси сите кои го поттикнуваат движењето против употреба на заштитните маски

А1он

Грција: Со Турција не преговараме, туку разговараме

А1он

Ќе се апсат оние кои поттикнуваат „Движењето против употреба на маска“ во Грција

Ана Ололовска

(ВИДЕО) Гир: Се надеваме на мошне скоро одржување на првата меѓувладина конференција

Ана Ололовска

Од почетокот на туристичката сезона, во Грција регистрирани 1.238 случаи на Ковид-19 кај посетители

Ана Ололовска

Берлин против нови критериуми за Скопје, ЕУ испраќа помош од 120 милиони евра

Ана Ололовска