Се вакцинираше претседателот на Кипар

Од:

На вториот ден од вакцинацијата на Кипар, рано утрово вакцината против Ковид-19 ја прими претседателот на државата Никос Анастасиадис, со што воедно е и првиот кипарски политичар кој што се вакцинираше.

-Подарокот на научната заедница, вакцината против Ковид-19, ни дава не само надеж, туку и право на живот. Сепак, постои растојание до конечната победа. Затоа апелирам до сите: Уште малку трпеливост и ќе успееме, напиша кипарскиот претседател на неговиот официјален „Твитер“ профил.

Во саботата на Кипар пристигна првата пратка вакцини од Фајзер/БиоНТек, а вакцинацијата започна вчера.

Двајца повозрасни граѓани згрижени во дом за стари лица и директорот на домот беа првите кои ја примија вакцината на Кипар.

Од почетокот на пандемијата во земјата се регистрирани вкупно 19.657 случаи на Ковид-19, а починаа 112 лица

Би можело да ве интересира

За да ја поттикне вакцинацијата, Кипар ги укина бесплатните брзи тестови

Македонија останува на портокаловата листа за патување на Кипар

Бонус за летен одмор за вакцинираните на Кипар

Министрите од кипарската влада се вакцинираат со „Астра зенека“

Кипар ќе почне со постепено намалување на рестриктивните мерки

Кипар воведува ограничување на цените на тестовите за Ковид-19