Пожарите во Грција се проширија до предградието на Атина, но официјалните лица тврдат дека огнот е ставен под контрола и дека нема повредени.
Пожарот поттикнат од силниот ветер, ги зафати покривите на пет куќи во Кератеји, југоисточното предградие на грчката претстолнина.
Огнената стихија ја гаселе десетици пожарникари, користејќи 35 пожарни возила, пет авиони и два хеликоптери. Покрај овој, шумскиот пожар на југот на Пелопонез се шири веќе втор ден без контрола.
Грција редовно се соочува со пожари во летните месеци. Во големите пожари во 2007-ма настрадаа 65 луѓе.