На излезот од градот Сомбор кон Суботица, пронајдено е телото на 40-годишниот Б.Ј., припадник на Полициското одделение Сомбор, известуваат српските медиуми.
Според неофицијални информации, се претпоставува дека се работи за самоубиство, извршено со службен пиштол кој бил пронајден покрај телото, пренесува српски Курир.
Од извори блиски до истрагата српските медиуми известуваат дека човекот оставил проштално писмо. Веднаш штом го пронашла, неговата сопруга ја известила полицијата која веднаш тргнала во потрага по нивниот колега, но не успеале да му го спасат животот.
Според неофицијални информации, полицаецот бил во големи долгови. Истрагата ќе утврди дали тоа го натерало да се одлучи да се самоубие, објави српски Телеграф.
Б.Ј. зад себе ги оставил сопругата и четирите деца.