Сараево повторно има најзагаден воздух во светот

Од:

Сараево утрово има најзагаден воздух во светот кога ќе се спореди состојбата во главните и поголемите светски градови, покажуваат податоците на специјализираната веб-страница IQAir денеска наутро.

Главниот град на БиХ во седум часот имаше индекс на загаденост (AQI) од 287, далеку пред пакистанскиот Лахоре (224), индиски Делхи (216), кинески Вухан (196) и индиска Калкута (174).

Меѓу 10-те најголеми или главни градови со најлош квалитет на воздухот во светот, се наоѓаат уште три од Балканот. Хрватскиот главен град Загреб е шести (173), Белград е веднаш зад него (170), додека бугарскиот главен град Софија е деветти со AQI индекс од 164.

Според показателите на IQAir, квалитетот на воздухот во Сараево е „многу нездрав“ денека наутро, а се додава дека концентрацијата на ПМ2,5 честичките во моментов е „47,4 пати повисока од препорачаните вредности на Светската здравствена организација на годишно ниво“.

„Многу нездрав“ квалитет на воздухот е потврден и во Лахоре и Делхи.

Извор: МИА

Би можело да ве интересира

Брисел и даде „зелено светло“ на БиХ за отворање на преговорите за пристапување во ЕУ

Горан Наумовски

По Црна Гора, земјотресот ја погоди и Босна и Херцеговина

Земјотрес ја погоди Босна и Херцеговина

Државјанин на Босна и Херцеговина ограбил џамија во Чегране

Силен земјотрес во БиХ, епицентарот е на 16 километри од Сараево

Пукање во трговскиот центар во Тузла, полицаец застрела жена

Горан Наумовски