Самоопределување повика на протест „за одбрана на Косово од Хашим Тачи“

Од:

Лидерот на косовското опозициско Движење Самоопределување (ВВ), Албин Курти денеска ги повика граѓаните на Косово, политичките партии и граѓанските организации на протест што во организација на неговата партија ќе се одржи 29 септември во Приштина, со цел „да се запре пазарењето со границите на Косово“, јави дописникот на МИА од Приштина.

Курти на денешната прес-конференција порача дека протестот се организира со цел „Косово да се одбрани од (претседателот) Хашим Тачи“ и дека народот на Косово со тоа ќе покаже дека „не се потчинува на еден човек“.

Според лидерот на ВВ, како резултат на дејствијата на Тачи во правец на поделбата на Косово и размена на територии со Србија, ситуацијата во земјата е мошне тешка и затоа тој мора да биде запрен.

– Политичката ситуација во Косово е мошне тешка, особено поради дејствијата на претседателот Хашим Тачи и неговите преговори со српскиот колега (Александар Вучиќ), без мандат од Собранието, без принципи за дијалогот и без сеопфатен тим за преговори. Оваа лична авантура на претседателот на Косово мора да се запре. Овој претседател нема ниту легитимитет, ниту надлежности, ниту кредибилитет, изјави Курти.

Лидерот на опозициската ВВ се заложи и за вонредни избори, со оглед дека, како што рече, социо-економската ситуација во Косово е тешка, затоа што „нема никаков прогрес поради лошото владеење на премиерот Рамуш Харадинај“.

Поради овие причини, Курти повика на протест на 29 септември на приштинскиот плоштад, порачувајќи дека „плоштадот е институција во Републиката, затоа граѓаните треба да го изразат своето незадоволство со тоа што ќе излезат таму и ќе протестираат мирно“.

Би можело да ве интересира

Во Косово нови седуммина починати, 296 заболени и 526 излекувани од Ковид-19

Жарко Настоски

Косово ги олесни мерките за движење на граѓаните и работа на угостителските објекти

Ана Ололовска

Харадинај: Како иден претседател на државата ќе го внесам Косово во НАТО

Ана Ололовска

Најавено олеснување на анти-ковид мерките во Косово

Ана Ололовска

Хоти: Без взаемно признавање Приштина повторно ќе воведе реципрочни мерки за Белград

Ана Ололовска

Бројот на повредени во експлозијата во Урошевац се зголеми на 42 лица

Жарко Настоски