Сајтот за туристичка промоција „Macedonia timeless“ причина за препукување меѓу власта и опозицијата во Грција

Од:

Текст објавен во грчките медиуми за непроменетото име на сајт за туристичка промоција на земјава Macedonia timeless, беше причина да реагираат од опозициската Нова демократија со остри критики до грчката влада, на што експресно стигна одговор од шефот на грчката дипломатија, Јоргос Катругалос, јави дописничката на МИА од Атина.

-Провокативната и дрска употреба на терминот Македонија од официјален сајт на Скопје и тоа за туристичка промоција на соседната земја, на најлош начин ги оправдува предвидувањата на Нова демократија. Дека по неприфатливото отстапување на владата на Ципрас, на соседите, безусловно, да им ги отстапи наводните „македонски идентитет и јазик”, терминот „Северна” едноставно ќе избледи и ќе се заборави. Владата мора веднаш да реагира, соопштуваат од најголемата грчка опозициска партија Нова демократија.

Од кабинетот на Јоргос Катругалос, министерот за надворешни работи на Грција, излегоа со соопштение по написите во весниците и прилозите на телевизиите и радијата.

-Нова демократија уште еднаш одбра да биде опашка на жолтиот печат што ја поддржува нејзината политика. Од очигледни причини за ситнополитичка употреба, одбира да го игнорира фактот дека целиот свет, соседната земја ја нарекува Северна Македонија, дека промени стотици имиња на институции и објекти за да одговараат на новото име и продолжува со тоа, и дека веќе од 15-ти мај е соопштено дека ќе ја промени туристичката кампања за да се усогласи со новото име, соопштуваат од кабинетот на Катругалос.

Би можело да ве интересира

Грција упати демарш до Турција околу сеизмичките истражувања во Медитеранот

А1он

Грција: Откажан Меѓународниот саем во Солун, владата воведува нови мерки

А1он

Растат тензиите во Медитеранот: Грција вели дека ќе ги брани својот суверенитет и суверени права

А1он

Пренесувањето на заразата во Грција опасно се зголемува, вели министерот за здравство

А1он

Забрана за литии во Грција до крајот на август, вонредни мерки во Лариса

А1он

Во поплавите на грчкиот остров Евија загинаа седум лица, а едно е исчезнато

А1он