САД реагираат на идеите за прекројување на границите: Го поддржуваме суверенитетот и територијалниот интегритет на БиХ

Од:

САД денеска соопштија дека го поддржуваат суверенитетот и територијалниот интегритет на Босна и Херцеговина, чие почитување е регулирано со Дејтонскиот мировен договор.

Ова е пораката од американскиот Стејт департмент во писмениот одговор на барањето на Гласот на Америка да ги коментира извештаите на медиумите за наводен нон-пејпер со кој се предлага прекројување на границите на Балканот, вклучително и на БиХ.

Портпаролот на Стејт департментот изјави дека САД „длабоко го ценат долгогодишното партнерство со Босна и Херцеговина и остануваат посветени на заедничката цел за демократска, инклузивна и просперитетна БиХ на патот кон целосна евроатланска интеграција“.

-САД силно го поддржуваат патот кон членството во ЕУ на сите аспиранти од Западен Балкан, рече портпаролот на Стејт департментот, додавајќи дека САД веруваат дека иднината на Западен Балкан несомнено е во Европската унија.

Процесот на проширување промовира долгорочен мир, стабилност и просперитет во целиот регион, се заклучува во одговорот на Стејт департментот за Гласот на Америка.

Словенечкиот портал „Нецензурирано“ денеска го објави неофицијалниот дипломатски документ, таканарелен „нон-пејпер“, во кој се споменува идејата за поделба на БиХ, анексијата на Република Српска кон Србија и Косово кон Албанија.

Порталот потсетува дека од понеделникот во Словенија, Хрватска и Босна и Херцеговина се шпекулира дали премиерот Јанез Јанша навистина го испратил неофицијалниот документ во Брисел, во кој се споменува нова скица со границите на територијата на поранешна Југославија.

Досега никој официјално не потврдува дека претседателот на Европскиот совет, Шарл Мишел, добил документ со таква содржина од Словенија.

Би можело да ве интересира

ВИДЕО: Про-израелски и про-палестински демонстранти се степаа во Њујорк

Катерина Павлова-Николовска

Вонредна состојба во три сојузни држави во САД

Флорида прогласи вонредна состојба поради недостиг на гориво

Крај на една ера: „Харли-Дејвидсон“ го најави првиот целосно свој електричен мотор

Жарко Настоски

Студентите во Њујорк ќе мораат да се вакцинираат ако сакаат да следат предавања

Жарко Настоски

Балканот сѐ повеќе се потпира врз кинески кредити

Жарко Настоски