САД ќе ја поддржат секоја одлука што ќе ја донесе Високиот претставник во БиХ

Од:

САД денеска соопштија дека користењето на „бонските овластувања“ се ексклузивна надлежност на Високиот претставник во БиХ и дека ќе ја поддржат секоја одлука што тој ќе ја донесе.

dobivaj vesti na viber

Во врска со најавата на Високиот претставник во БиХ, Кристијан Шмит, дека може да наметне измени во Изборниот закон на БиХ и Уставот на Федерацијата БиХ, портпаролот на американскиот Стејт департмент изјави дека германскиот дипломат „ќе избере дали, кога и како да се користат овие овластувања“, објави Гласот на Америка.

Портпаролот на Стејт департментот одби да ги коментира деталите за одлуката што Шмит може да ја донесе.

-Во овој момент нема да коментираме за потенцијалните реформи што се споменуваат во медиумите. Повторуваме, одлуката за користење на „бонските овластувања“ е исклучива надлежност на Канцеларијата на високиот претставник (ОХР)“, рече тој.

Канцеларијата на Високиот претставник се уште нема официјално потврдено дали и кога Шмит ќе наметне измени во Изборниот закон на БиХ и одредени уставни измени во Федерацијата БиХ, чија цел е да се спречи блокирањето на функционирањето на овој ентитет на БиХ.

Ниту владите на земјите од Квинта – САД, Велика Британија, Италија, Франција и Германија – досега не се изјаснија за евентуалната одлука на Шмит, чиј нацрт беше објавен од некои медиуми во Босна и Херцеговина.

„Пробосанските“ партии остро ја критикуваа намерата на Шмит да наметне амандмани на Изборниот закон и уставните измени, додека Хрватската демократска заедница (ХДЗ) на БиХ оцени дека овие мерки минимално ќе ја „корегираат штетата“ предизвикана кон Хрватите во БиХ во претходните години и децении.

Некои медиуми претходно најавија дека Шмит денеска ќе наметне одлука, а во меѓувреме дел од бошњачките лидери најавија дека разговарале со Високиот претставник и дека тој нема да наметнува никаква одлука додека не се одржат консултации со политичките претставници од Федерацијата на Босна и Херцеговина.

Поради можното наметнување измени на Изборниот закон на БиХ и уставни измени во Федерацијата БиХ, граѓаните вчера протестираа пред зградата на ОХР во Сараево.

Избор: МИА

Би можело да ве интересира

За САД сите опции се на маса во однос на „лажниот референдум“ во Украина

САД: Грција и Турција со дипломатија да ги решат разликите околу островите во Егејското Море

Државната обвинителка на Босна и Херцеговина санкционирана од САД

Во парламентот на БиХ некој се отрул од полнети пиперки, уништени 90 килограми месо

А1он

Едно од шест складишта на жито во Украина се запленети, уништени, оштетени или загадени од војната на Русија

А1он

Британски и германски претставници за Западен Балкан: Состојбата во Босна и Херцеговина најсериозна од 1995 година

А1он