Вашингтон ја одложи средбата меѓу претставници на Србија и Косово по обвинението за Тачи

Од:

Специјалниот претставник на Соединетите Американски Држави за дијалогот меѓу Србија и Косово, Ричард Гренел, ја одложи средбата во Белата куќа, закажана за 27 јуни, откако косовскиот премиер Авдулах Хоти денеска го извести дека нема да патува за Вашингтон.

Гренел на Твитер објави дека ја разбира одлуката на косовскиот премиер да не доаѓа во Вашингтон по вчерашното обвинение за воени злосторства од Хаг против претседателот на Косово Хашим Тачи и додаде дека работи на промена на датумот на состанокот.

„Ние ја разбираме вашата одлука и очекуваме наскоро да организираме нов состанок“, напиша американскиот дипломат на Твитер, додавајќи го објавувањето на Хоти на истата социјална мрежа.
Косовскиот премиер најави дека не може да присуствува на состанокот на делегациите на Србија и на Косово на 27 јуни во Белата куќа. Хоти на Твитер напиша дека, поради ситуацијата предизвикана од обвинението на Специјалното обвинителство против Хашим Тачи и Кадри Весели, го известил специјалниот пратеник дека не може да присуствува на состанокот.

„Поради новите случувања во Приштина со обвинението поднесено од Специјалното обвинителство, морам да се вратам во мојата земја за да се справам со ситуацијата. Јас го известив амбасадорот Гренел дека не можам да присуствувам на состанокот на 27 јуни во Белата куќа”, се вели во соопштението на косовскиот премиер на Твитер.

Би можело да ве интересира

САД објавија план за нови санкции за Северен поток 2

Жарко Настоски

Харадинај во изборната програма најави референдум за обединување со Албанија

Жарко Настоски

Калифорнија бара да се повлече серија од вакцината на Модерна, имало многу несакани ефекти

Жарко Настоски

ВИДЕО: Узбуна и евакуација поради чад во близина на Капитол, испадна дека бездомници се грееле на оган

Жарко Настоски

Во Србија за вакцинација се пријавиле околу 325.000 луѓе, речиси половина ја сакаат „Спутник V“

Жарко Настоски

Од утре почнува масовна вакцинација во Србија

Ана Ололовска