Претседателот на Европскиот совет Херман ван Ромпуј изјави денеска по средбата со црногорскиот претседател Филип Вујановиќ дека Црна Гора по Хрватска ќе биде следна членка на Европската унија.
Ромпуј и Вујановиќ се сретнаа во Сараево, каде учествуваат на Меѓународната конференција за мир.
Претседателот на ЕУ нагласи дека брзото добивање на статус кандидат за членство и отварањето на прегововорите за членство се доказ дека ЕУ е отворена за пристапување на Црна Гора и подготвена да ги цени индивидуалните достигнувања на секоја држава во постигнувањето на европските стандарди.
Вујановиќ укажа на приврзаноста на Црна Гора кон европските интеграции, нагласувајќи дека следниот месец во земјата се одржуваат парламентарни избори, кои ќе овозможат владата на Црна Гора со капацитет од четиригодишен мандат да води интензивни преговори за членство во ЕУ.
Претседателот на Црна Гора ги повтори очекувањата за индивидуавлен третман на секоја држава, со кој поединечно се вреднуваат интеграциските достигнувања на секоја држава при пристапувањето во ЕУ.