Романка уапсена со 400 туѓи документи во Атина

Од:

Романска државјанка на 49-годишна возраст е уапсена денеска на атинскиот Меѓународен аеродром „Елефтерос Венизелос“, откако кај неа биле пронајдени стотици пасоши и лични карти на други лица.

Полицијата при претресот на нејзиниот багаж пронашла 401 пасош и документи за идентификација, издадени од различни земји.

Истрагата на полицијата за организиран криминал и трговија со луѓе покажала дека повеќето документи, кои се конфискувани, се пријавени како украдени или изгубени.

Жената е обвинета за илегално поседување туѓи патни документи и за криумчарење.

Полицијата ја продолжува истрагата со колегите од странство, со цел да го утврди обемот на нејзините активности и да ги лоцира евентуалните соучесници.

Романката треба да се појави пред јавен обвинител во Атина.

Би можело да ве интересира

По силниот земјотрес во Грција, тлото продолжува да се тресе

Два силни земјотреси ја погодија Грција

Горан Наумовски

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди