Роде: Апсурдно е да ескалира ситуацијата поради регистерски таблички

Од:

Амбасадорот на Германија во Косово, Јорн Роде ја поздрави одлуката на владата на Албин Курти за одлагање за 48 часа на спроведувањето казни за лицата кои не ги замениле српските со косовски регистерски таблички, јави дописникот на МИА од Приштина.

Реагирајќи на синоќешната објава на Твитер на американскиот амбасадор во Приштина, Џефри Ховениер дека побарал 48 часовно одлагање на изрекувањето казни за Србите во северно Косово, Роде напиша дека е „апсурдно да ескалира ситуацијата поради регистерски таблички“.

– Добро е што имаме повеќе време за специјалниот претставник на ЕУ, Мирослав Лајчак да работи со засегнатите страни за наоѓање решение. Повторувам: Апсурдно е да ескалира ситуацијата поради регистерски таблички. Ние имаме потреба од повеќе државништво, а помалку игра со оган, порача Роде.

Амбасадорот на САД, Ховениер синоќа изрази загриженост поради неуспехот на вчерашните преговори во Брисел меѓу Курти и српскиот претседател, Александар Вучиќ и побара одлагање на спроведувањето на одлуката за изрекување казни, со цел, како што порача, „да им овозможат на ЕУ и САД да продолжат да ги поттикнуваат страните да изнајдат решение“.

Курти објави дека го прифаќа барањето и му се заблагодари на Ховениер „за неговата посветеност и залагањето“ во изнаоѓањето решение за споровите со Србија.

– Јас го прифаќам неговото барање за 48-часовно одлагање на почетокот на изрекување казни за нелегалните таблички со ознаките „КМ“ (Косовска Митровица) и други (издадени од Србија). Задоволство ми е да работам со САД и ЕУ за изнаоѓање решение во текот на наредните два дена, напиша Курти.

Претходно синоќа, по неуспехот на преговорите со посредство на ЕУ за решение за спорот околу табличките, официјална Приштина најави дека ќе почне да ги казнува лицата кои ќе се затекнат на косовските патишта со возила со таблички издадени од Србија.

Извор: МИА

Би можело да ве интересира

Дачиќ: Договорите од Брисел се круна на учеството на Белград во дијалогот, ЗСО им дава широк спектар на надлежности на Србите

Ана Ололовска

Курти: Добив предупредувања за намалување на западната поддршка доколку Косово не биде конструктивно

Горан Наумовски

Курти: На Косово не постојат српски општини, Вучиќ го прекрши договорот

А1он

Курти: Меѓусебното признавање да биде основа на предложениот договор

А1он

Кирби: Ситуацијата со Косово е поврзана со танцот на Курти и Вучиќ, договорот за ЗСО е постигнат одамна

А1он

РСЕ: Лајчак во Приштина на средба со косовскиот вицепремиер

Ана Ололовска