Рикер: САД нема да биде судија во внатрешната политика на Албанија

Од:

Високиот американски официјален претставник Филип Рикер, кој е помошник државен секретар задолжен за Европа и Евроазија, апелира до политичките партии во Албанија да ја решат ситуацијата во рамки на Уставот.

Коментирајќи ја политичката криза во земјата, Рикер вели дека Албанија треба да ги искористи своите институции за надминување на денешната политичка ситуација. Тој истакнува дека бојкотот на изборите на 30 јуни од страна на опозицијата не беше она што САД сакаа да го видат во Албанија.

-Ние не сме горди со Албанците во последниве недели, бидејќи тие не ги користат институциите што ги имаат. Не можете едноставно да го бојкотирате Парламентот или да ги предадете мандатите. Овие институции треба да се користат, треба да се користат судовите, треба да бидат назначени членови на Уставниот суд, преку Уставот и користењето на овие алатки да се надминат тешките политички времиња, порачува Рикер.

Тој стави до знаење дека САД нема да бидат судија во внатрешната политика на Албанија, туку дека ќе продолжат „да ги охрабруваат сите страни да работат заедно со институциите и да ги преземат вистинските чекори за да продолжат понатаму“.

Американскиот висок функционер за ситуацијата во Албанија коментираше на форум организиран од Атлантскиот совет во Вашингтон.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски