РИК: Одложени конечните резултати поради повторување на гласањето

Од:

Републичката изборна комисија (РИК) соопшти дека роковите за објавување на конечните изборни резултати во Србија се одложени поради повторено гласање, јави дописникот на МИА од Белград.

dobivaj vesti na viber

Во соопштението од РИК се наведува дека согласно Законот за избор на пратеници, локалните изборни комисии имаат рок од 96 часа од затворањето на избирачките места да ги утврдат збирните извештаи за резултатите од гласањето, а рокот истекува во четврток во 20 часот.

– Но, во истиот закон е предвидено рокот да се пролонгира и кај локалните изборни комисии на чија територија се повторува гласањето на избирачко место, а во тој случај рокот од 96 часа се пресметува од затворањето на избирачкото место каде гласањето се повторува, објаснуваат од РИК.

Имајќи предвид дека на веб-презентацијата на РИК е објавена одлуката со која беше поништено гласањето на одредени избирачки места, тоа го одложува утврдувањето на резултатите од гласањето во тие единици на локалната самоуправа.

Поради тоа, рокот во кој РИК е должна да ги објави вкупните изборни резултати се одложува.

– Имајќи предвид дека гласањето ќе се повтори на одреден број избирачки места, за што ќе одлучува Републичката изборна комисија согласно законот, во овој момент не може да се утврди времето кога ќе бидат утврдени и објавени вкупните изборни резултати, како за народните пратеници, така и за претседателот на Републиката, се наведува во соопштението.

Извор: МИА

Би можело да ве интересира

Во Србија од 1 јануари поскапува струјата за осум и гасот за 11 отсто

А1он

Пресврт на Србија во судиското надополнување

А1он

Јеремиќ: Резолуцијата за санкции против Русија е кукавичко јајце на Вучиќ за опозицијата

Ана Ололовска

(ВИДЕО) Филмско апсење во Белград: Пронајдени 100 килограми кокаин

Ана Ололовска

Ѓедовиќ: Србија oд јануари ќе увезува струја од Азербејџан, пристига и кинеска опрема за нова ТЕ Костолац

Ана Ололовска

Во полициска акција во Србија илјада мигранти префрлени во прифатни центри, откриено оружје и муниција

Ана Ололовска