Република Српска денес во Вашингтон официјално го отвора осмото меѓународно претставништво, пренесуваат медиумите.
Претеседателот на Република Српска, Милорад Додик, потврди дека за шеф на канцеларијата е именуван Обрад Кесиќ и дека сите потребни процедури во врска со отворањето се завршени.
-Решени се сите проблеми, од регистрација на канцеларијата до обезбедување на финансиски средства. И покрај неприфаќањето на идејата од страна на одредени американски политичари сепак успеавме во намерата, рече Додик.
Република Српска веќе има отворено свои претставништва во Солун, Брисел, Белград, Виена, Москва, Штутгард и Ерусалим.
Елена Георгиевска