Рекордни 418 заболени и четворица починати од Ковид-19 во Косово

Од:

Националниот институт за јавно здравство на Косово (ИКШПК) попладнево објави дека минатото деноноќие во земјата се потврдени 418 нови случаи на заболени од Ковид-19, што претставува највисока бројка на новозаразени од коронавирусот од појавата на пандемијата, јави дописникот на МИА од Приштина.

Вкупно досега, според официјалните статистики на косовските здравствени власти, вирусот е откриен кај 19.328 лица тестирани со методот РТ-ПЦР.

Во текот на вчерашниот ден имаше и четири нови случаи на починати лица кои биле заболени од Ковид-19, со што бројката на жртви на епидемијата се искачи на 678.

Минатите 24 часа се регистрирани и 67 излекувани, додека бројката на пациенти кои досега ја совладале болеста достигна до 15.434.

Активни носители на вирусот моментно во Косово се 3.126 лица.

Жариште на епидемијата е главниот град Приштина, каде што вчера беа потврдени нови 188 случаи.

Вчера е забележан и рекорден број на извршени тестови, 1.608, со што вкупната бројка на испитаници за присуството на коронавирусот, од почетокот на епидемијата достигна до 92.706.

Би можело да ве интересира

Се зголемува бројот на новозаразени од Ковид-19 во Бугарија

Ана Ололовска

Најавено укинување на рестриктивните мерки во Австралија

Ана Ололовска

Велика Британија одобри употреба на вакцината на Фајзер и Бионтек

Ана Ололовска

Бразил: Најмногу заразени од почетокот на септември – 50.909

Ана Ололовска

Во САД изминатото деноноќие потврдени 2.562 смртни случаја

Ана Ололовска

Скоро четири милиони новозаразени со коронавирусот за една недела

Ана Ололовска