Бугарија постави нови негативни рекорди во последните 24 часа во однос на Ковид-19.
Здравствените власти во земјата објавија дека 1.472 лица се новозаразени од вирусот од направени 8.738 ПЦР тестови во последното деноноќие.
Бројот на активни случаи во земјата е 14.689, хоспитализирани се 1.732 лица, од кои 107 се наоѓаат во одделенијата за интензивна нега.
Во изминатите 24 часа, починаа 29 лица – што претставува рекорден број на починати од почетокот на пандемијата.
Најмногу заразени има во главниот град Софија – 483, по што следат Пловдив – 147 и Бургас – 59.
Само во областа на Видин не се регистрирани нови случаи.
Во земјата, од Ковид-19 излекувани се 184 лица.