Расправата во грчкиот парламент за доверба на новата Влада продолжува денеска

Од:

Во 10 часот по локално време, денеска продолжува тридневната расправа во грчкиот Парламент за гласање доверба на новата Влада, откако вчера свои обраќања имаа премиерот на Грција како и лидерите на сите грчки политички партии, јави дописничката на МИА од Атина.

Вчерашната расправа започна во 19 часот со говор на Кирјакос Мицотакис, кој ја претстави владината програма, а расправата заврши на полноќ со обраќање на претседателот на МЕРА25, Јанис Варуфакис.

Опозициските партии рекоа дека нема да ѝ дадат доверба на владата и ги образложија нивните аргументи. Говорите во големиот дел беа посветени на економијата, а не изостана и Договорот од Преспа, како дел од ставовите за грчката надворешна политика.

Во текот на денешниот и утрешниот ден се очекува збор да земат министрите од новата грчка влада, како и пратеници од сите партии.

Претставувањето на владината програма ќе заврши утре на полноќ со гласање доверба на владата, а на гласањето ќе му претходи говор на Мицотакис и на лидерите на партиите.

Владата ќе добие доверба доколку мнозинство од присутните пратеници гласаат „за“, мнозинство кое не смее да биде помало од две петтини од вкупниот број пратеници.

Би можело да ве интересира

Грчко МНР: Членките на ЕУ да соработуваат за реализирање на европската перспектива на Западен Балкан

Ана Ололовска

СИРИЗА: Атина е пасивен набљудувач на одлуките што другите ги носат за грчкото соседство

Ана Ололовска

Мицотакис: Исходот од Самитот не е добар ни за Балканот, ни за Грција

Чамец со мигранти побарал помош кај Крф, а го лоцирале во близина на Италија

Членови на „Рубикон“ упаднаа во простории на министерот за здравство на Грција

Протести и затворени општински служби на грчкиот остров Самос поради проблемот со бегалците и мигрантите

Ана Ололовска