Рама телефонски разговарал со украинскиот претседател Зеленски

Од:

Албанскиот премиер Еди Рама објави на социјалните мрежи дека денеска остварил телефонскиот разговор со претседателот на Украина Володимир Зеленски.

„Денеска имав телефонски повик од претседателот Зеленски, кој ми се заблагодари за сè што Албанија прави во овие трагични денови за неговиот народ, за Европа и за целиот свет, почнувајќи од нашата улога на кодомаќин со САД во Советот за безбедност на ОН, до помош дадена за украинската армија, како и интензивното ангажирање на дипломатски канали со важни партнери за поддршка на Украина“, напиша Рама.

Додава дека му изразил максимална поддршка на претседателот Зеленски и на украинскиот народ, посочувајќи дека би сакал да направи многу повеќе.

„На украинскиот претседател му ги изразив целиот восхит и целосна солидарност на албанскиот народ во Албанија и Косово, со него и со украинскиот отпор, како и целосна волја да направиме сè што можеме за Украина да триумфира во својата родољубива војна“, пишува Рама.

Зеленски му се заблагодарил на Рама за поддршката.

„Ви благодарам премиере. Ако сакате да триумфираме, сакам да ве уверам дека ги имаме и нашите способности и нашата сила“, рекол Зеленски, пренесе Рама.

Извор: МИА

Би можело да ве интересира

Русија: Украина нападна болница во Луганск

Ана Ололовска

Медведев го коментираше испраќањето тенкови: „Се зголемува можноста за конфликт со Западот“

Ана Ололовска

Украина: Русите сакаа да не измамат со тенкови на надувување, тие се издишаа

Ана Ололовска

Фон дер Лајен: Украина ја има безусловната поддршка од Унијата

Ана Ололовска

Институт за војна: Русите го цензурираат известувањето за војната

Ана Ололовска

И Путин и Зеленски го одбележаа Денот на сеќавањето на Холокаустот

Ана Ололовска