Рама: Србија не може да опстане без поддршка од Москва

Од:

Албанскиот премиер Еди Рама смета дека Србија не треба да биде под натамошен притисок во врска со санкциите против Русија и истовремено изразува загриженост за зголеменото влијание на Москва на Западен Балкан.

dobivaj vesti na viber

– Србија, во однос на санкциите кон Русија, не треба да биде под натамошен притисок, бидејќи таа земја не може да опстане без поддршка од Москва. Дополнително, не смее да се заборави дека Белград веќе три пати гласаше во ОН против Русија, што е големо изненадување. Ова покажува дека постои силна волја за интеграција во ЕУ – изјави Рама во интервју за виенскиот весник „Пресе“.

Тој нагласи дека мора да се направи се за да се оддалечат потенцијалните закани од Балканот.

Ова, објаснува тој, се однесува пред сè за Србија, Црна Гора, Северна Македонија и Република Српска каде, како што рече, Кремљ има „силно влијание“.

За пристапните преговори на Албанија со ЕУ, оцени дека тоа нема да биде лесен пат.

Тој ја карактеризира Австрија, поради нејзините историски врски, како идеален градител на мостови за Западен Балкан.

Зборувајќи за формирањето на базата на НАТО во Драч, тој објасни дека тоа е поврзано со изградба на модерно и комерцијално пристаниште надвор од градот.

Би можело да ве интересира

Ѓедовиќ: Србија oд јануари ќе увезува струја од Азербејџан, пристига и кинеска опрема за нова ТЕ Костолац

Ана Ололовска

Во полициска акција во Србија илјада мигранти префрлени во прифатни центри, откриено оружје и муниција

Ана Ололовска

Вучевиќ: Ситуацијата на Косово и понатаму е тензична

Ана Ололовска

Секс скандал во Србија: Уапсени две припаднички на полицијата

Горан Наумовски

Во Белград приведени десетици мигранти

Србија повторно е единствената во регионот што не ги почитуваше мерките на ЕУ поради Украина

А1он