Рама: Се договоривме со „Фајзер“, вакцинацијата почнува во јануари

Од:

Албанскиот премиер Еди Рама објави дека неговата влада постигнала начелен договорот со американската компанија „Фајзер“ за обезбедување вакцина против коронавирусот.

Според Рама, вакцинацијата на населението во Албанија ќе почне идниот месец.

„Во екстремно тешки услови, поради вртоглавата глобална побарувачка и се уште многу малото производство, по интензивни контакти од сите четири страни, начелно се согласивме со текстот на договорот со „Фајзер“ вакцинацијата да почне во јануари“, напиша Рама на Твитер.

На почетокот на овој месец Рама беше во посета на САД каде што се сретна со Алберт Боурла, генерален директор на компанијата „Фајзер“.

Рама денеска ја осуди „ диференцијацијата на ЕУ кон Балканот по ова прашање“.

„Морално, политички и логички е неприфатлива диференцијација што ЕУ ја направи на Балканот, а ние, сепак, со дипломатија и инсистирање успеавме да не останеме зад никого. И нема да запреме се додека не се обезбеди последната доза. Да ги повлечат назад зборовите оние кои продолжија со навреди и обвинувања“, посочува Рама.

Рама и изминатите денови ја критикуваше ЕУ за дистрибуцијата на вакцини против коронавирусот, велејќи дека Унијата ги оставила земјите од Западен Балкан да чекаат на вакцини се додека земјите-членки не обезбедат доволно за своите граѓани.

Тој на прес-конференција рече дека ЕУ донела „несреќна одлука“ да достави таканаречени „вишок вакцини“ на Западен Балкан.

„За жал, вакцината е повеќе од каква било дипломатија, лични односи, пријателства, контакти. Голема војна се одвива во заднината на набавките“, наведе Рама.

Вчера, пак, тој кажа дека се прават максимални напори достоинствено да се обезбедат вакцини и оти пред никого „нема да питачи да му даде вакцини“.

-Ние работиме политички и дипломатски да обезбедиме вакцини. Се шпекулираше дека вакцинацијата почнала во Северна Македонија, со само 100 дози дадени од Бугарија. Да питачам за Албанците, простете ми за скромноста, но јас тоа не го можам, изјави Рама.

Би можело да ве интересира

Дашо: Во Албанија има многу повеќе смртни случаи од официјалните бројки

Ана Ололовска

Мета: Тој што нема да гласа на изборите нема морално право да се жали на последиците од владеењето

Ана Ололовска

Британците најмногу, а Французите најмалку веруваат во вакцините против Ковид-19

Молдавија е првата европска земја што доби вакцини од Ковакс

Австралија бара преиспитување на одлуката за блокада на извозот на вакцини

Вакцини ќе снемаме за 5 дена, само половина од матичните лекари се пријавиле за вакцинација