Рама поднесе тужба за клевета против косовскиот премиер во заминување, Харадинај вели дека нема основ

Од:

Албанскиот премиер Еди Рама до Основниот суд во Приштина поднел тужба за клевета против косовскиот колега во заминување Рамуш Харадинај. Тужбата се однесува на клевета дека Рама наводно се залагал за рамена на територии меѓу Белград и Приштина. Харадина оценува дека тужбата нема основ и дека е поднесена само за да се избегне политичката одговорност.

Харадинај наведе дека во законски предвидениот рок ќе даде одговор на тужбата, пренесе Косово онлајн.

-Во медиумите денеска е објавено дека албанскиот премиер Еди Рама, на суд поднел тужба против мене. Според законот, јас ќе го подготвам одгвоорот на тужбата во законските рокови, наведе Харадинај.

Тој тужбата ја нарече неоснована и обид за избегнување на одговорноста.

„Тужбата на премиерот Рама е сосема неутемелена и претставува негова политичка диверзија за да се сокрие зад медиумските драми и за да ја избегне одговорноста. Нашиот народ и Косово имаат луѓе кои ќе бидат нејзиниот браник во секој момент“, наведе Харадинај на Фејсбук.

Рама претходно пред Основниот суд во Приштина поднесе тужба против Харадинај во која наведе дека косовскиот премиер го клеветел заради што бара извинување и отштета.

Во тужбата тој наведува дека Харадинај во неколку емисии емитувани во октомври минатата година зборувал за размена на територии меѓу Белград и Приштина, обвинувајќи го него дека со Хашим Тачи и Александар Вучиќ ја отвориле идејата за размена на територии.

Би можело да ве интересира

Група имигранти од Авганистан измамени и оставени на автопатот Валона-Фиер

А1он

Лидерите на косовската владина коалиција на средба за таксата на увозот од Србија

А1он

Тачи: Тврдоглавоста на Курти го носи Косово во изолација и ги расипува односите со САД

Ана Ололовска

Вучиќ: Најавата на Курти е нов трик и обид за измама

Ана Ололовска

Косовската Влада издвои 400 илјади евра за борба против коронавирусот

Ана Ололовска

ЕУ ја поздрави одлуката на Курти да ги укине царините за Србија и БиХ

Ана Ололовска