Рама му се заблагодари на Курти за честитките и најави скорешна посета на Косово

Од:

Премиерот на Албанија, Еди Рама, денеска потврди дека ќе ја посети Приштина по враќањето од Генералното собрание на ОН.

На Твитер, тој се заблагодари за честитките и поканата што му ја испратинеговот косовски колега, Албин Курти, и го најави своето доаѓање веднаш по посетата на Њујорк каде ќе учествува во работата на Генералното собрание на ОН.

-Благодарам Албин Курти. Бездруго ќе го посетам Косово со големо задоволство, штом се вратам од Генералното собрание на ОН. Да почнеме веднаш да подготвуваме заедничка седница. Посакувам со сето мое срце и убеден сум дека ќе направиме многу добри работи за нашите две земји, напиша Рама на Твитер.

Претходно, Курти му честиташе на Рама за реизборот за албански премиер и го покани да ја посети Приштина за да рзговараат околу подготовките за заедничка седница на двете влади.

Курти во честитката навел дека овој трет мандат е и трета можност за спроведување проекти што долго време ги очекуваат Албанците од двете страни на границата.

Тој ја изразил својата целосна подготвеност и на Владата на Република Косово да ја „зголеми економската соработка, трговската размена и интеграцијата на пазарот , отстранувајќи ги бариерите меѓу Албанците“.

Би можело да ве интересира

Рама: Отворен Балкан, вистинската идеја во вистинско време

Ана Ололовска

Топ чанел: Министерката Грвала отворено побара сојуз меѓу Албанија и Косово против Србија

А1он

Стоев: Судирите во Косово ја покажаа нестабилната ситуација во регионот

А1он

Борел: Само дијалогот под медијаторство на ЕУ е решение за Србија и Косово

А1он

Првични резултати во Косово: Во 19 општини избран градоначалник во прв круг

ЦИК: На локалните избори во Косово излезноста е 42,85 отсто

А1он