Рама му порача на Мета да не го става носот во работа што не е негова надлежност

Од:

Досегашната редовна преписка, преполна со обвинувања и навреди, преку социјалните мрежи, околу изборниот законик, шефот на албанската држава и премиерот, сега ја заменија со епидемиолошката состојба со Ковид – 19.

Веднаш по писмото на претседателот Илир Мета упатено до премиерот Еди Рама, министерката за здравство Огерта Манастирлиу и парламентарниот спикер Грамоз Ручи, за преземање мерки против Ковид-19, со цел да се спречи катастрофа преку Твитер му одговори Рама.

Напиша дека Мета нема надлежност и не треба „да го става носот во работата на експертите за управување со состојбата“.

-Илир, немаш ниту една надлежност да се мешаш во работата на експертите во управувањето со состојбата. Како прво, не излегувај од дома без маска, кажи и на твојата партија да не упатува хистерични повици против носењето маска и гледај си ја работата што ја имаш, а што не ја работиш подолго време, му порача Рама на Мета.

Кога наведува твојата партија, Рама асоцира на Движењето за социјалистичка интеграција, чиј лидер беше пред изборот за претседател а актуелен прв човек на партијата е неговата сопруга, Моника Круемади, која апелираше да не се носи маска на отворен простор, по одлуката за задолжително носење.

Што се однесува до загриженоста на претседателот за справување со ситуацијата со приближувањето на зимскиот период, Рама наведува дека експертите се тие што одлучуваат за чекорите што треба да се преземат секој ден врз основа на стратегијата есен-зима.

-Зголемувањето на бројот на новозаразени со Ковид-19 е во рамките на предвидувањата и ние мора, по секоја цена да избегнеме ново затворање а за тоа секој, вие прв, мора да ги почитувате едноставните правила, наведува Рама.

Експресно, со доза на иронија му возратија од кабинетот на Мета, потсетувајќи го дека самиот донесел одлука да биде и министер за Европа и надворешни работи, но не и министер за здравство и социјална заштита.

-Претседателот Мета направи се во рамки на овластувањата што му се дадени со Уставот и законот, за да се спречи ширењето на пандемијата со Ковид-19 и го потсетуваме премиерот кој се уште е на функција, дека тој и самиот јавно му се заблагодари за ова. Претседателот Мета многу трпеливо чека на одговори на сите прашања упатени денес до министерката за здравство и социјална заштита,стои меѓу другото во реакцијата од кабинетот на Мета.

Би можело да ве интересира

Само Албанија е понесреќна земја од Македонија во регионот: ООН го објави извештајот за среќа

Орце Костов

Зетот на Трамп објави фотографии од луксузни архитектонски проекти за Србија и Албанија

Земјотрес во Албанија

Со еден клик до работни места во Србија и Албанија: Нова можност за македонските граѓани

Орце Костов

ВИДЕО: Повторно хаос во албанскиот парламент, сесијата заврши предвреме поради немири

Земјотрес во Албанија, почувствуван и во Црна Гора

Горан Наумовски