Рама: Кога претседателот полудува во име на народот реагира Парламентот

Од:

Албанскиот премиер и лидер на владејачката Социјалистичка партија, Еди Рама од изборен митинг во градот Дивјак порача дека одлуката на претседателот на Албанија, Илир Мета да ги одложи локалните избори е до сега непознат чин во историјата на светското владеење.

Рама нагласи дека Парламентот е должен да реагира во име на народот кога претседателот „полудува“, оценувајќи дека Мета го изгубил правото да остане во канцеларијата на претседателот на Републиката.

– Илир Мета презеде чин кој е непознат во историјата на светското владеење. Потпишува указ за избори, па го поништува. Ако светот влезе во логиката на Илир Мета, така што потписот на кој било авторитет би можел да се врати, не би постоела држава, правило, насока, туку целиот свет би бил една голема гунгула, изјави Рама.

Тој посочи дека ова ќе остане само грдо и неодговорно дело што не може да се прифати или толерира.

– Илир Мета го изгуби правото да остане во канцеларијата на претседателот на Републиката, се додека моќта на народот е во Парламентот и се додека Парламентот има должност да реагира во име на народот доколку претседателот полудува, порача Рама.

Тој ја обвини опозицијата дека се плаши да излезе пред народот, се плаши од избори, од одмерување на силите и од правосудните реформи.

Инаку, на денешната пленарна седница на албанскиот Парламент на дневен ред е барањето за импичмент на претседателот Мета.

Би можело да ве интересира

ВИДЕО: Паника, страв, распукани згради, околу 70 повредени по двата земјотреси во Албанија

Ана Ололовска

ВИДЕО: Снимен моментот кога Албанија ја погоди силниот земјотрес

Ана Ололовска

Голема материјална штета и 37 повредени од попладневните земјотреси во Албанија

Ана Ололовска

Силни земјотреси со епицентар во Јадранското море, почувствувани во Македонија

Ана Ололовска

Албанскиот брод „Орику“ спаси 111 илегални мигранти во Егејско Море

Ана Ололовска

ЕУ ќе и даде на Албанија 14,5 милиони евра за пописот во 2020 година