Рама ќе воведува ред на албанските плажи: Полицијата ќе одзема и затвора на целата ривиера

Од:

Албанскиот премиер Еди Рама денеска на прес-конференција изјави дека државната полиција ќе биде присутна на целото крајбрежје и ќе „одзема на самото место лежалки, чадори за сонце и секаков вид друга помошна структура што не одговара на издадениот документ на субјектот“.

Според него, „не сите приватни субјекти сакаат да разберат како функционира овој процес, во некои случаи дури и одредена општина не го разбрала процесот, или не сака да го разбере, создавајќи конфузија и услови за конфликти“.

Но, додаде Рама „едно е неспорно дека она што е дефинирано како рамка на овој процес ќе се спроведе со или без благонаклонетост“.

-Сакам денес да упатам апел до сите оние субјекти кои немаат регуларна документација и работеа со теоријата на присутниот факт, дека се обврзани да ги напуштат областите што не им припаѓаат со закон и нерегуларно. Тоа што ќе биде одземено нема да им се врати, рече Рама.

Посочи дека „плажите им припаѓаат на луѓето, на граѓаните и колку што приватните субјекти се вклучени во процесот на гарантирање на туристичката сезона, тие се исто така нивна одговорност“.

Пред два дена на плажа во Велипоја, во кавга за поделба на сопственоста над песочните плажи, во вооружен инцидент беа убиени четири а повредени две лица, додека кај едно од најубавите турустички места, Дрми, запалени беа 60 лежалки и исто толку чадори за сонце.

Би можело да ве интересира

Само Албанија е понесреќна земја од Македонија во регионот: ООН го објави извештајот за среќа

Орце Костов

Зетот на Трамп објави фотографии од луксузни архитектонски проекти за Србија и Албанија

Земјотрес во Албанија

Со еден клик до работни места во Србија и Албанија: Нова можност за македонските граѓани

Орце Костов

ВИДЕО: Повторно хаос во албанскиот парламент, сесијата заврши предвреме поради немири

Земјотрес во Албанија, почувствуван и во Црна Гора

Горан Наумовски