Рама апелира до Вучиќ: Не ги хранете групите на северот на Косово со илузии и алиби

Од:

Косово и тензичната ситуација на северот на Косово била една од главните теми на кои се разговарало на средбата во четири очи меѓу премиерот Еди Рама и Педро Санчез, премиер на Кралството Шпанија, кој денеска престојува во Тирана во рамки на официјалната посета на Западен Балкан.

-Ситуација која доцна синоќа имаше сосема неразумна ескалација. Владата на Косово има право, но и должност да ги спроведува договорите со практикување на територијалниот суверенитет што произлегува од независноста во администрацијата на државата. Договорите постигнати со другата страна се договори што треба да се извршат, а не да се дискутираат, рече Рама на заедничката прес-конфренција со Санчез.

Toj ја нарече неразумна ескалацијата на ситуацијата на северот на Косово и го повикa српскиот претседател Александар Вучиќ „да не храни одредени групи на северот на Косово со какво било алиби или оправдување”.

-Ги повикувам властите во Белград и претседателот на Србија да не даваат никакво алиби или оправдување на одредени групи на северот на Косово кои од свои причини се противат на спроведување на договор кој е валиден, и за давање поголем кредибилитет на дијалогот Косово-Србија, вели Рама.

Додаде дека го поздравува 30-дневното одложување на имплементацијата на овој договор, што било поздравено од шефот на европската дипломатија Жозеп Борел и побарано од САД.

Со Санчез, рече Рама, разговарал и за независноста на Косово, но „одлуката на Шпанија да не ја признае независноста на Косово останува непроменета, тоа е поради причини поврзани со самата Шпанија”.

Извор: МИА

Би можело да ве интересира

Рама во Скопје, затворени улици – избегнувајте го овој дел од градот

А1он

Рама: И Зеленски ќе заврши како лидерите на ОВК

Горан Наумовски

По барање на Рама, разрешен првиот човек на албанската тајна служба

А1он

Рама до Мицотакис: Те сметаме за пријател и брат овде во нашата земја

А1он

Поранешен главен советник на канцеларката Меркел стана советник на премиерот Рама

А1он

Рама: Поплавени се 590 куќи, евакуирани 32 семејства во поплавите

А1он