Рама: Албанија во 2030 година ќе ја однесеме на врвот, таму каде што заслужува да биде

Од:

На вонредниот конгрес на Социјалистичката партија, што заврши доцна синоќа, како што беше најавено, лидерот Еди Рама зборуваше за третиот мандат и за Албанија во 2030 година.

Денес и во иднина, порача тој, имаме обврска кон земјата, кон децата, во текот на третиот мандат да обезбедиме историски скок.

-Како таква, оваа историска победа ни донесе историска одговорност. Реализација на обем на одлуки, реформи и конкретна работа за да до крајот на оваа деценија да Албанија се искачи на врвот што Албанците и го заслужуваат. Земја според стандардите на ЕУ, земја во која слободата и правдата зрачат со нашето европско припаѓање на секојдневната реалност, земја-шампион во овој регион на Европа, со енергија, туризам, земјоделство и јавни услуги. Земја со високо национално и меѓународно достоинство каде Албанија е секогаш прва. Ова е Албанија од 2030 година и ова е нашата мисија, порача Рама.

Секако, додаде, односите со сојузниците и стратешките партнери се заемно корисни.

-Не започнува со третиот мандат, но ние ќе го унапредиме третиот мандат со нова свест, јавна комуникација, односи со политичките ривали. Но, не заборавајќи ни за момент на односите со јавноста во секојдневната работа. Третиот мандат треба да означи ново отворање кон луѓето во оваа земја, вклучително и со нова институција, Национален совет кој ќе го слуша секое прашање проблем на народот, најави тој.

Кажа дека за прашања од посебен национален интерес, ќе се консултираат со сите граѓани, без политички, верски и регионални разлики кои ќе сакаат да се изразат преку Националниот совет.

Категорично порача дека Социјалистичката партија нема да служи како покритие за ниту еден министер, директор или раководител на кој било сектор, ако стане предмет на истрага на судските органи.

Тој рече дека единственото нешто што ќе биде одговорност на СП, ќе биде односот откако правдата ќе зборува, додавајќи дека реформата во правдата е црвена линија со сите нејзини противници.

На Конгресот што се одржа во арената „Air Albania“ пред три илјади делегати се обратија повеќе говорници, посебно емотивно беше обраќањето на Меги Фино, ќерката на Башким Фино еден од најзначајните фигури во партијата, кој на крајот на март годинава почина како последица од Ковид -19. Рече дека од денес станува член на партијата и продолжува по стапките на татка си.

Посебно изненадување беше одлуката на Грамоз Ручи, актуелниот собраниски спикер, кој соопшти дека по завршување на мандатот во парламент, се повлекува од политиката, што подразбира негово откажување од пратеничкиот мандат што го освои на последните избори.

На овој значаен ден, кога се слави и 30-годишнината од постоењето на оваа политичка сила, не беше отсутен Фатос Нано, еден од најзначајнте фигури на социјалистите кој беше убеден дека со Еди Рама и благослов од Бога, социјалистите ќе постигнат многу, како што е и третиот мандат по ред. Нано на чело на партијата беше од 12 јуни 1991 до трети јули 2005 годна, кога лидерската функција ја презеде Рама.

Би можело да ве интересира

Инвеститорите бегаат од Албанија – таа е една од најкорумпираните држави во Европа, порачува Стејт департментот

Жарко Настоски

Во Албанија 21 случај со Делта-сој, од нив шест вакцинирани

Ана Ололовска

Италијанскиот бизнисмен Бечети го доби спорот со Албанија на Арбитражен суд

Ана Ололовска

Ким: Лажат оние што велат дека правосудната реформа не е ништо

Ана Ололовска

Делта сојот и официјално потврден во Албанија

Ана Ололовска

Албанија: За пет години ветинг разрешени 155 судии и обвинители, 56 сами поднеле оставки

Ана Ололовска