Радев до Руте: Оставањето на Бугарија надвор од Шенген зоната не е во интерес на Европската унија

Од:

Оставањето на Бугарија надвор од Шенген не е во интерес на Европската унија и не придонесува за заедничките напори за справување со безбедносните предизвици и тешката економска криза во Европа, изјави денеска бугарскиот претседател, Румен Радев, во телефонски разговор со холандскиот премиер, Марк Руте, соопштија од прес-службата на претседателската администрација.

Како што јави дописникот на МИА од Софија, во текот на разговорот Радев потсети дека Европската комисија повеќепати ја потврди подготвеноста на Бугарија да се приклучи на Шенген и Софија очекува поддршка од сите свои партнери во ЕУ.

-Бугарија очекува институциите на ЕУ и земјите-членки да се водат според утврдените критериуми за членство во Шенген, а не од други размислувања, изјави бугарскиот претседател.

Радев му нагласил на Руте дека поврзувањето е од клучно значење во услови на криза и прекинати или сериозно попречени синџири на снабдување, затоа олеснувањето на комуникацијата меѓу земјите-членки на Европската унија во Југоисточна Европа преку проширување на Шенген зоната треба да биде приоритет.

Како што потсетува дописникот на МИА од Софија, претседателката на Европската комисија, Урсула фон дер Лајен, пред една недела ја изрази својата поддршка за влез на Бугарија во Шенген зоната.

Одлуката за влез на Бугарија, Романија и Хрватска во Шенген треба да ја донесе Советот на ЕУ на 8 декември.

Би можело да ве интересира

Искршено стаклото на македoнскиот културен клуб во Благоевград – не стивнуваат провокациите

Анита Петровска Рајковиќ

Бугаринот Стојанов нуди 200 евра за името на македонски полицаец-Чак Норис е одговорот од Македонија

Анита Петровска Рајковиќ

ВИДЕО: Бугарски пратеник во живо пренесуваше како се бутка со македонската полиција

Анита Петровска Рајковиќ

ВИДЕО: Закана сте за безбедноста, нема влез во Македонија – Бугарски новинари добиле забрана за влез

Анита Петровска Рајковиќ

(ВИДЕО) Џамбаски: Tоа што се случува на границата е срам

ВИДЕО: Името си го продадовте за пет чрвени – Нервоза и пцовки од Бугарите кон полицајците на Деве Баир

Анита Петровска Рајковиќ