Радев денеска ќе го врачи мандатот за состав на новата бугарска влада

Од:

Претседателот на Бугарија Румен Радев ќе и го врачи првиот мандат за формирање нова влада на најголемата политичка групација во Народното собрание „Продолжуваме со промените“.

dobivaj vesti na viber

Како што јави дописникот на МИА од Софија, поддршката за новата влада, добиена со првиот мандат, станува се покомплицирана по повлекувањето на Бугарската социјалистичка партија од преговарачката маса, поради протерување на 70 руски дипломати од Бугарија.

Условот што го постави лидерката на бугарските социјалисти Корнелија Нинова е владата предложена да управува со државата да не биде предводена од поранешниот премиер Кирил Петков. Истиот услов го постави и партијата „Има таков народ“ на Слави Трифонов.

Во 17 часот по локално време ќе се знае дали „Продолжуваме со промените“ ќе го смени составот на владата, како и кој ќе ја води, бидејќи според уставот на државата кандидатот за премиер треба да го преземе мандатот од претседателот на Бугарија.

Извор: МИА

Би можело да ве интересира

Петков: Борисов да се пензионира, а по реформите во судството – да оди во затвор

Регистрирани партиите на Стефан Јанев и на Кирил Петков за предвремените избори во Бугарија

Донев: Почнува план за финансиска стабилизација на „Булгаргаз”

А1он

Аналитичари: Претседателот Румен Радев ја турка Бугарија кон претседателска република

Петков: Додека Трифонов пееше за Македонија, неговите министри без контрола бараа милијарди левови

Радев ги закажа парламентарните избори за 2 октомври, привремен премиер е Галаб Донев