Претседателот на Русија, Владимир Путин денеска изјави дека воената парада во Белград, по повод 70-годишнината од ослободувањето е можност да се изрази гордост и благодарност на ветераните.
-Годишнината од ослободувањето е можност да им се одаде почит на сите кои што се бореа против нацистите на сите фронтови. Нашите предци се бореа за вистински работи и постигнаа врвни резултати. Нивната храброст немаше граница-изјави тој на отворањето на парадата.
Путин нагласи дека Русија има принципиелна позиција која што не се базира само на пријателство и блискост, туку на меѓународно право.
-Тој принципиелен став не може да се промени, имаме намера да ја подржиме Србија, бидејќи Русија не тргува со своите пријатели-нагласи тој.
Поради исклучителните заслуги во развивање на соработката и пријателските односи помеѓу двете држави, претседателот Томислав Николиќ му подари орден на рускиот претседател.
Српската и руската страна потпишаа седум договори од област на одбрана, енергија, заштита на податоци и царина.
Е. Г.