Директорот на Гимназијата Нијаз Халиловиќ, учителката Гордана Ниџан и секретарката Нисвета Кљуниќ загинаа во утринскиот напад во Гимназијата во Сански Мост.
Според очевидци, тие биле убиени од вработениот во Гимназијата, М.В. кој вооружен влегол во објектот.
Како што дознава „Независне новине“, тој ги застрелал директорот на Гимназијата, учителката и секретарката Нисвета Кљуниќ.
Министерството за внатрешни работи потврди дека се убиени три лица, а осомничениот потоа се обидел да си пресуди.
Тој е пренесен во болница во тешка состојба.
Мотивот наводно се одредени несогласувања кои постоеле од порано. Во тек е истрага, а училиштето е опколено од силни полициски сили.