Државниот секретар на српското Министерство за заштита на животната средина Бранислав Блажиќ е заразен со коронавирус.
Министерот Горан Триван за српските медиуми потврдил дека Блажиќ е сместен на Инфективната клиника во Белград.
„Се лечи на Инфективната клиника, во стабилна состојба е“, рекол Триван.
Блажиќ е од Кикинда, градот кој е еден од жариштата на епидемијата на коронавирусот во Србија.
Како што пренесуваат медиумите, сите од Министерството за заштита на животната средина кои биле во контакт со него се пратени во изолација, а министерот Горан Триван само телефонски контактирал со Блажиќ и сите останати со кои државниот секретар контактирал лично.