Протести во Бугарија поради недостиг на вода

Од:

Жители на бугарскиот град Перник денеска протестираа пред седиштето на Владата во Софија поради повеќемесечниот недостиг на вода, барајќи итни мерки за решавање на проблемот, што тие го опишаа како можна хуманитарна криза.

Демонстрантите се сомневаат дека зад недостигот на вода во индустрискиот град стојат подмитување и некомпетентност и предупредија дека резервоарот кај браната Студен, единствениот градски извор, ќе биде испразнет за две недели, јави БГНЕС.

Кризата со водоснабдување во Перник, град на 30 километри западно од Софија, почна во ноември кога локалните власти воведоа рационална употреба на вода заради недостиг на резерви од браната во близина.

На почетокот на јануари, бугарскиот министер за животна средина поднесе оставка, откако беше обвинет за намерно лошо управување со снабдувањето со вода во градот.

Учесниците на протестот носеа жолти елеци, а организаторите најавија нови протести во понеделник пред регионалното Министерство за развој, јави бугарската БТА.

Протестите ги поддржаа и жителите на Бобов Дол кои имаат уште еден проблем – загадување на воздухот и кои веруваат дека загадувањето е резултат на согорување на отпад во локална термоцентрала.

По иницијатива на Бугарската социјалистичка партија (БСП), а поради кризата со вода и аерозагадувањето, бугарскиот Парламент в среда ќе гласа за недоверба на Владата на бугарскиот премиер Бојко Борисов.

Би можело да ве интересира

Само 30 отсто од Бугарите си ги мијат забите, тврди претседателот на Бугарскиот стоматолошки сојуз

Ана Ололовска

Борисов: Прифаќањето на еврото е во корист на бизнисот и на Бугарите

Ана Ололовска

Борисов демантира: Немам никаков имот во Барселона

Ана Ололовска

„Ел Периодико“: Бојко Борисов осомничен за наводно перење пари во Шпанија

Ана Ололовска

Социјалистите бараат оставка од Борисов поради манипулирање со податоците за БДП

Ана Ололовска

Бугарија загрижена поради испорката на рускиот „Панцир С1“ на Србија преку нејзина територија

Ана Ололовска