Протести во Албанија: Се бара намалување на цената на горивата

Од:

Голем број граѓани присуствуваа на протестот пред Владата во Тирана организан од граѓански активисти и транспортни претпријатија во знак на незадоволство од високите цени на горивата.

Протестот траеше повеќе од два часа, беа блокирани улиците со гаснење на автомобили и со главно барање намалување на цената на горивата.

-Бараме укинување на даноците бидејќи плаќаме 260 лека (122,2 лека =1 евро) за литар нафта. Се додека не се прифати нашето барање секојдневно во 17 часот ќе протестираме пред Владата, беше пораката од протестот, кој мина мирно.

Меѓу учесниците беше и комичарот Флор Бинај кој во рака држеше фотографии на премиерот Еди Рама и лидерот на опозициската Демократска партија, Љуљзим Баша, со напишани нивни изјави со кои иронизира со нив: Јас не сум изгубил ниту едни избори- вели Баша а Рама вели :Јас не сум зголемил ниту еден данок.

Иронизираа и со изјава на министерката за инфраструктура и енергетика Белинда Балку која „ги посоветувала граѓаните да одат пеш или да користат велосипеди”.

Протести имаше и во други градови, со поголемо учество во Драч, каде со автомобили беа блокирани повеќе улици.

Извор: МИА

Би можело да ве интересира

Протест на лекарите специјализанти, во тек состанок со претставници на Министерството за здравство

Само Албанија е понесреќна земја од Македонија во регионот: ООН го објави извештајот за среќа

Орце Костов

Зетот на Трамп објави фотографии од луксузни архитектонски проекти за Србија и Албанија

Граѓаните бараат извршителите да ги почитуваат законските измени со кои долговите застаруваат

Земјотрес во Албанија

Џафери: Закажани се избори, не може да се потпишат колективни договори, протестите на универзитетите се за дневни политики