Производството на електрична енергија во Словенија на историски најниско ниво

Од:

Словенија повеќе не ги произведува потребните количини електрична енергија, а нејзината цена за домаќинствата и економијата може енормно да се зголеми во наредните месеци, предупреди денеска во интервју за словенечкото радио Александар Мервар, директор на Електростопанство Словенија „ЕЛЕС“.

dobivaj vesti na viber

– Војната во Украина во моментов влијае на високите цени на енергетскиот пазар, но и да се смират тие околности, тие ќе бидат исклучително високи, а во преодниот период би можеле да се зголемат два до три пати, рече Мервар, пренесе агенцијата Хина.

Тој додаде дека засега нема индиции дека би можело да има намалување на испораките на електрична енергија, иако Словенија веќе не произведува доволно електрична енергија, туку е сè повеќе зависна од увоз.

Производството на електрична енергија во Словенија во првите пет месеци од оваа година беше на „историски најниско ниво“, рече тој, додавајќи дека поради одржливоста на системот, земјата во тој период речиси цело време била зависна од увезената електрична енергија поради ниските водостои на реките на кои се домашните хидроцентрали.

Извор: МИА

Би можело да ве интересира

Пожарот во Словенија продолжува да беснее, на италијанската страна има жртва

Ана Ололовска

ВИДЕО: Голем пожар во Словенија, евакуација на три села

Пожар од Италија се прошири кон Словенија

Претседателските избори во Словенија закажани за 23 октомври

Горан Наумовски

Предан: Македонскиот јазик е признаен од 26 земји членки на ЕУ

Горан Наумовски

Од удар на гром на Мал Триглав повредени 18 планинари, од кои двајца потешко

Ана Ололовска