Иако водостојот на Сава опаѓа, опасноста од поплави во Хрватска се уште не поминала и интензивно се работи на одбрана на местата, кои се уште се загрозени, јавуваат хрватските медиуми.
Најтешка е ситуацијата во Гуња, Строшинци и Рачиновци, Посавски Подгајци, Ѓуриќи и Дреновци. Поплавени се 210 квадратни километри.
По состанокот на Кризниот штаб договорено е делумно затворање на насипот со цел да се овозможи повлекување на Сава од поплавените подрачја.
Хрватската министерка за култура Андра Златар Виолиќ изјави дека во поплавените подрачја врз културните и сакралните објекти е нанесена штета од десетици милиони куни.
Виолиќ со премиерот Зоран Милановиќ и други членови на Владата го посети Рајево Село.
Според неа, во поплавите на подрачјето во Хрватска се оштетени книжарници, домови на културата, повеќе десетици манастири и цркви од 17. и 18. век.