Од 1. до 15 март во Хрватска ќе се одржи пробен попис на населението.
Како што објави агенцијата Хина, пробниот попис ќе се одржи во Вараждинската жупанија, заедно со Приморско-горанската, Осиечко- барањската и Сплитско-далматинската упанија, како и во градот Загреб.
Пробниот попис ќе опфати околу 12.000 луѓе, беше речено на прес-конференција во Вараждин.
Заменик-жупанот Роберт Вугрин рече дека со пробниот попис ќе бидат опфатени околу илјада домаќинства и нешто повеќе од две илјади луѓе. Тој додаде дека од 22 до 26 февруари попишувачите ќе ги посетат домаќинствата и ќе делат летоци.
– Целта на пилот-пописот е јасно да се идентификуваат можните недостатоци и проблеми, така што првиот попис ќе може да заврши без никакви проблеми, рече Вугрин.
Тој додаде дека пописот е овозможен преку апликацијата е-Граѓани и побара од сите да се регистрираат бидејќи, потсети, досега само една четвртина од населението во Вараждинската жупанија е регистрирано на таа апликација, а само 15 проценти од населението редовно ја користи апликацијата.