Приштина е повторно во шок откако поранешниот албански премиер Сали Бериша објави дека Косово е претставено во рамките на српските граници и на мапите во учебниците за осмо одделение во Албанија.
Откако Еди Рама објави видео на коешто, помеѓу останатото, се гледаше и мапа на која косовската територија е во границите на Србија, Сали Бериша на својот „Фејсбук“ профил објави фотографија од книгата „Граѓанство“, наменета за учениците од осмо одделение во Албанија, во која исто така се наоѓа мапа на која косовската територија е во границите на Србија.
Бериша, објавувањето на мапата од страна на Еди Рама го нарече „национално предавство“.
Видео снимката со спорната мапа стоеше на профилот на Еди Рама повеќе од пет часа, а по критиките од Приштина видео снимката беше сменета, пишува приштинскиот весник Газета експрес.