Приштина бара од Швајцарија информации за наводите дека српски служби планирале да го убијат Дик Марти

Од:

Косовските безбедносни институции побарале информации од Швајцарија во врска со наводите дека тајни служби на Србија планирале да го убијат поранешниот специјален известувач за Косово во Обединетите нации по војната во 1998-99 година, Дик Марти, со цел за тоа да ги обвинат косовските Албанци, јави дописникот на МИА од Приштина.

dobivaj vesti na viber

Беким Купина, советник на претседателката на Косово, Вјоса Османи, изјави за ТВ Коха дека официјална Приштина е во очекување на информации од Швајцарија, откако тамошните медиуми објавија дека Марти е под специјална полициска заштите поради сознанијата дека му е загрозен животот од одредени српски служби.

– Претседателката Османи ги контактира безбедносните институции и побара од нив веднаш да обезбедат официјална информација од швајцарските власти за планот на српските разузнувачки агенции за елиминарење на пранешниот швајцарски сенатор Дик Марти. Поради чувствителноста на случајот, претседателката ќе се огласи повторно откако ќе добие официјални информации од швајцарската држава, ијави Купина.

Косовските медиуми деновиве ги пренесоа информациите објавени во швајцарски гласила дека Марти веќе 16 месеци е под специјален третман и силни заштитни мерки, поради информации дека од страна на српски служби било планирано тој да се убие и потоа за неговото убиство да се обвинат Албанците.

Српската Безбедносна информативна агенција (БИА), според медиумите во Белград, ги негирала наводите дека планирала убиство на Марти и тврди дека наводниот документ со закани по неговиот живот, кој дошол во посед на швајцарските разузнавачки служби, е напишан од британски тајни служби.

Меѓу косовските Албанци Марти ужива негативен публицитет, поради неговиот извештај до ООН дека има индиции оти, за време на војната во 1998-99 година, Ослободителната војска на Косово организирала трговија со човечки органи, кои биле вадени од воени заробеници и од цивили.

Извор: МИА

Би можело да ве интересира

Саразин: Косово е срцето на Европа и местото му е во Советот на Европа

Грвала: Со зачленувањето на Косово во Советот на Европа добиваат сите и не губи никој

А1он

Стејт департмент: Србија и Косово сами избираат надворешно политички приоритети

Ана Ололовска

„Газета експрес“: Црногорскиот претседател на 18 мај во прва официјална посета на Косово

А1он

Коњуфца: Голем број држави го поддржуваат зачленувањето на Косово во Советот на Европа

А1он

ЕК ги повикува Косово и Србија да се воздржат од провокации

Ана Ололовска