Фон дер Лајен во посета на Западен Балкан до крајот на овој месец

Од:

Претседателката на Европската комисија, Урсула фон дер Лајен, најави утрово дека до крајот на овој месец ќе го посети регионот за да го поддржи процесот на приклучување кон ЕУ, јави дописничката на МИА од Брисел.

Фон дер Лајен ова го најави за време на нејзиниот годишен говор за Состојбата на Европската Унија, што се одржува секој септември и во кој претседателката ги презентира успесите и предизвиците на Европската Унија.

– Пред крајот на овој месец ќе отпатувам во регионот за да испратам силен сигнал на заложба за процесот на пристапување, им го должиме ова на сите млади кои веруваат во европската иднина, рече шефицата на Европската комисија.

Според изворите на МИА во Брисел, претседателката ќе ги посети сите земји во регионот, вклучително и Северна Македонија за време на нејзиното патување, помеѓу 28 и 30 септември.

Таа потсети дека Европската Унија го поддржува регионот и економски преку Економскиот и инвестициски план кој изнесува третина од целкупниот бруто домашен производ на регионот.

– Затоа што инвестиција во Западен Балкан е инвестиција во иднината на ЕУ, рече Фон дер Лајен.

Фон дер Лајен не ги спомена поединечно земјите од регионот како што го често го правеше тоа во минатото, посебно фактот дека Северна Македонија и Албанија ги исполнуваат условите за почеток на преговорите со ЕУ.

Би можело да ве интересира

Според Индексот на човечки развој Југоисточниот регион на земјава најнеразвиен во цела Европа

Лидерите на Европската Унија усвоија 18 заклучоци, од кои еден се однесува на роамингот на Балканот

Голема балканска акција за лов на педофили: 39 осомничени, вклучена и Македонија

Анита Петровска Рајковиќ

Плаќаме 33% поскап дизел, а се уште возимe најевтино на Балканот: Кои се цените на горивата во регионот

Орце Костов

Невреме доаѓа во Македонија – Црвен метео аларм на Балкан, поплави, ризик од торнадо, противградни ракети нема да помогнат

Драматично предупредување на словенечки метеоролог: На Балканот стигнува нова суперклеточна бура

Катерина Ѓуровски