Италијанскиот новинар Томазо Дебенедети познат по лажните профили на Твитер и лажните вести, одново ја дезинформираше грчката јавност со информација дека починал поранешниот грчки претседател Каролос Папуљас, вест објавена преку профил на кој стои името на вицепремиерот на грчката влада Пикраменос.
KAROLOS PAPOULIAS, the former President of Greece, has died few minutes ago at 90.
— Panagiotis Pikrammenos Παναγιώτης Πικραμμένος (@PikrammenosGR) July 17, 2019
-Каролос Папуљас, поранешниот претседател на Грција пред неколку минути почина на 90 годишна возраст, пишува во твитот наводно објавен од вицепремиерот Панајотис Пикраменос, а 26 минути подоцна објави и нов твит во кој вели дека профилот е лажен и креиран од италијанскиот новинар Томазо Дебенедети.
This account is hoax created by Italian journalist Tommasso Debenedetti.
— Panagiotis Pikrammenos Παναγιώτης Πικραμμένος (@PikrammenosGR) July 17, 2019
Според информациите на дописничката на МИА од Атина, навистина станува збор за лажен профил и мерки веќе презема секторот за борба со електронски криминал на грчката полиција.
Ова е втор пат Италијанецот Дебенедети да објави слична вест преку Твитер. Во август минатата година преку лажен Твитер профил на кој стоеше името на тогашната министерка за култура Мирсина Зорба објави дека починал познатиот грчки режисер Костас Гаврас.