Пратеникот на крајнодесничарската грчка партија Златна зора, Христос Папас, по кога трагаше полицијата, самостојно се предал на властите.
Папас, кој според обвинителството е човек број два во Златна зора, денеска се предал самостојно во полициска станица во Атина.
Исто како и останатите петмина пратеници на Златна зора, кои се во притвор, Папас ќе биде официјално обвинет за членство во криминална организација со цел за извршување на злосторства.
Ова е прв случај од 1974 година во Грција да бидат уапсени активни пратеници во Парламентот.