Пожар на Пелопонез, превентивно евакуирани четири села

Од:

Подобрена е ситуацијата со пожарот што вчера избувна во западниот дел на Пелопонез, а синоќа, превентивно беа евакуирани жителите на четири села, јави дописничката на МИА од Атина.

dobivaj vesti na viber

Според грчката противпожарна служба, во пожарот интервенираат 195 пожарникари со седум пешадиски тимови и 48 возила, два авиона и два хеликоптера, а помагаат волонтери пожарникари и цистерни од општините.

По препорака на противпожарните служби, вчера, преку бројот за итни случаи 112, беше испратена порака до жителите на четири села, превентивно да се евакуираат.

Исто како и вчера, така и денеска, висока е опасноста од пожари во повеќе делови на Грција.

За 24 часа, заклучно со синоќа, во земјата биле регистрирани 53 шумски пожари.

Во текот на викендот во Грција пристигнаа пожарникари од Романија и Бугарија, дел од европската пилот програмата во која учествуваат над 200 пожарникари од шест европски земји, кои летово ќе им помагаат на нивните грчки колеги во гаснењето на пожарите.

Пожарникарите од Романија пристигнаа во Атина, а Бугарите се распределени во градот Лариса.

Во периодот јули-август пожарникари од Бугарија, Романија, Германија, Франција, Финска и Норвешка ќе бидат лоцирани и распоредени во Грција за да помогнат во противпожарната заштита и во размената на знаење и искуство со нивните грчки колеги.

Извор: МИА

Би можело да ве интересира

Надлежниот грчки министер потврди дека кај Еврос починало петгодишно дете

Намален бројот на починати и заразени со Ковид-19 во Грција

А1он

Зголемени вкупните приходи во државниот буџет на Грција

А1он

Уапсен маж осомничен за пожарот на грчкиот остров Тасос

Ана Ололовска

ВИДЕО: Торнадо во близина на плажите на Халкидики

Катерина Павлова-Николовска

УНХЦР стравува дека во потонатиот чамец во близина на Родос загинале десетици бегалци и мигранти

Ана Ололовска