Поранешен пратеник од Нова демократија осуден за педофилија

Од:

Условна затворска казна од 28 месеци и парична казна од 20 илјади евра му одреди грчки суд на поранешниот пратеник на Нова демократија, Никос Георгиадис за случај поврзан со педофилија, пред околу девет години во Молдавија кога тој бил на позиција во претставништвото на ОН, јави дописничката на МИА од Атина.

Георгиадис беше прогласен за виновен за обвинувањата за континуирана сексуално злоупотреба со надомест на три малолетни лица над 15 години, а случајот во 2016 година го откри грчкиот весник „Hot Doc“.

По соопштувањето на пресудата, поранешниот пратеник на Нова демократија, како што објавуваат грчките медиуми, рекол дека станува збор за лажни обвиненија и ќе поднесе жалба до Апелацискиот суд.

За целиот случај и првостепената пресуда, со соопштение излезе и кабинетот на грчкиот премиер Алексис Ципрас. Велат дека случајот нема да има политичка димензија, „иако Георгиадис беше пратеник и близок советник и соработник на Мицотакис, големо оружје и алатка на лидерот на Нова демократија, доколку самиот Мицотакис не му дадеше политички карактер на случајот“.

Ова тврдење од кабинетот на Ципрас го поткрепуваат со тоа, како што соопштуваат, дека од Нова демократија случајот го карактеризирале како политичко гонење, пратеничката Ана Мисел Асимакопулу била сведок во одбраната на Георгиадис, а за време на судењето во судницата имало членови и функционери од опозициската партија.

Би можело да ве интересира

Поддршка од 2,9 милиони евра од САД за Грција за справување со миграциското прашање и Ковид-19

А1он

Американски и грчки воени авиони утре со прелет над Скопје ќе го поздрават нашето членство во НАТО

А1он

Грчката Влада со 115 милиони евра ќе ги поддржи авиопревозниците

А1он

Теохарис: Пред крајот на месецов ќе ја соопштиме листата со земји кои на 15 јуни ќе може да патуваат во Грција

Ана Ололовска

Света Гора делумно се отвора на 1 јуни, под посебни мерки и за ограничен број верници

Ана Ололовска

Стејт департментот ги смирува тензиите помеѓу Атина и Анкара

Ана Ололовска